,,don´t hit a man with glasses! Use a basebalbat!

Já....ég segi ekki farir mínar sléttar hvað varðar heilsu mína undanfarna daga...Þannig er mál með vexti að ég finn einhvers-skonar sting/þrísting á þremur stöðum, rétt neðan við rifbeinin vinstra og hægramegin. Einnig finn ég fyrir þessu neðar líka. Veit ekki hvað þetta er. Ég hef heldur ekki sloppið við kvef því núna er syndaflóðið úr nösum mínum eins og enginn sé  morgundagurinn. Hef reyndar lagast talsvert af þessu kvefi síðustu tvo daga - sem betur fer. Því má svo við bæta að ég er að skrælna! Handaþurrkur dauðans er í heimsókn, ekki velkominn og fær sko ekkert með kaffinu.

 

Lífið er gott á eyrinn og um daginn þá ákvað ég að fara í smá göngutúr í fjörunni. Sé sko ekki eftir því. Mjög frískandi og mannbætandi að rölta í fjörunni. Mæli með því. Ég mun endurtaka leikinn von bráðar. Brakandi fersk sjávargolan og fjörulyktin.....snilld. Ég tók með mér nokkra kuðunga og skeljar, veit ekki alveg hvað ég geri við það, á eflaust eftir að enda í tunnunni. En hvað um það....

 

En djöfull er bensínverðið hátt! Þetta hefur það í för með sér að ég þarf að minka eina af mínum uppáhalds iðu að keyra! rúnt tímabil mitt er í dvala. Vonandi verður hann ekki langur og að þessir trukkakallar nái að sanza þessa pólitíkusa til.

 

Svalbarði var í sjónvarpinu í kvöld. Var búinn að skrá mig á gestalista fyrir þáttinn en fór ekki  Mér finnst þessi fyrsti þáttur bara lofa góðu. Ágústa Eva stóð sig mjög vel í hlutverki sínu - syngur vel og ber fram textann skírt og greinilega!  En hvað er málið með þennan græna penna hjá Völu matt?!? held að hann sé gróinn við krumluna, hann fylgir henni hvert sem hún fer. Ætli hún sé búin að gefa pennanum nafn? Mun hann erfa eitthvað eftir hana þegar hún fellur frá? nei ég bara spyr...

 

Apríl mun, hjá mér, helgast af miklum sparnaði. Já, sparnaði. Þú last rétt. Ég verð að viðurkenna að það er pínu erfitt - að spara. Sérstaklega í ljósi þess að það er fátt sem ég leyfi mér ekki. Er allt of góður við mig i mat, drykk og skemmtunum af öllum toga.  

 

já....þá held ég bara að ég setji punktinn hérna! 

Er þetta spilastokkurinn þinn?!? nú......já, þetta eru bara kortin þín!

Á Íslandi er það jafn sjálfsagðurhlutur að borga bland í poka fyrir 150 kall eins og það er að draga andan…Íslendingareiga örugglega heimsmet í kortafærslum per haus. Plastið er straujað oft á dagog bankarnir dæla út kortunum. Sjálfur er ég með 3 kort. Eitt vísakort, eittdebetkort og eitt fyrirframgreitt kredetkokrt (sem ég nota sama sem ekkert) Mérfinnst þetta bara vera hið ágætasta kortasafn. En mitt auma ,,safn,, bliknarvið hliðina á mörgum!

Fólk treður þessu í öll hólf áveskinu og er svo stundum dágóða stund að fletta í gegnum bunkann til að finna ,,rétta,,kortið sem hentar í  það skiptiðsem á að greiða.Margir liggur við svitna viðað finna rétta kortið. Svo loks finnur það kortið…..en viti menn….Ekki heimild…Einstaklingurinn roðnar/eðaverður reiður og hissa…Gramsar aftur í bunkanum í óðagoti í leit að ljósi.Finnur loks hið ,,rétta,,kort og réttir sátt yfir borðið. Hugsar örugglega um leið um feita hlussureikninginn sem kemur næstu mánaðarmót.

Afhverju þar fólk að flækja málinsvona? Okei, það er með yfirdrátt á við smáríki, en þarf það að vera með öllþessi kort? Ég bara spyr….

Fjörugir fiskar

Það kannast örugglega allir við að hafa fengið fjörsfisk einhversstaðar um líkamann...oftast, hjá mér allavega kemur hann rétt fyrir ofan aðra hvora augabrúnina. En stundum....þá verður bara allt brjálað!

 

Allt andlitið á mér fer bara á fullt! það er mjög spes tilfinning og verð að segja frekar óþægilegt! Það er eins og það séu trilljón litlir puttar að pota í sig.

Sem betur fer varir þetta ,,fjör,, bara í stuttan tíma. Þess má geta að á meðan ég skrifa þessa færslu blossar upp einn fjörugur, rétt fyrir neðan vinstra augað, kíkti í smá heimsókn en hvarf fljótlega 

 

 

 

Darraðardans í þvottastöð!

Í gær…klukkan 21:15 þegar égvar búinn í vinnunni ákvað ég að drífa mig loksins með bílinn á þvottastöð.Fyrir valinu var sjálfvirka þvottastöðin rétt hjá B&l. Hef farið margoftþangað með síðasta bílinn minn. Ég komst strax að með bílinn. Mjög sjaldgæft aðþað gerist.

Ég keyrði að innganginum oghurðin opnaðist. Löturhægt. Inn fór bíllinn og ég tók niður loftnetið og lagðispeglana upp að bílnum. Fór svo í þar til gerða biðstofu þar sem ég vippaði uppkortinu og startaði tækinu sem þrífur bílinn.

Allt gekk eins og í sögu,fyrir utan að ég þurfti að ýta á græna takkann til að hún færi aftur af staðþví hún stoppaði fljótlega. Vélin fór af stað og byrjaði á að frussa sápu ofl ábílinn. Svo kom háþrýstiþvotturinn. Svo byrjaði gamanið þegar þessir volduguburstar fór dansandi af stað. Þeir skottuðust í kringum bílinn og kappkostuðuvið að þrífa hann sem best.

Burstinn sem þrífur skottið,þakið og húddið var eitthvað klikkaður því hann nálgast bílinn, varlega ogbyrjar að bursta skottið og færir sig svo upp. En viti menn! Hann stoppar svoundir spoilernum á bílnum og festist þar! Bíllinn lyftist aðeins upp, þó ekkiþað hátt að dekki færu á loft. Hann hristist allur til og ég í panikki þrýsti áneyðarstoppið! Bílinn staðnæmdist og vélin líka. Burstinn var enn undirspoilernum og sat þar fastur.

Ég leit í kringum mig og sánúmer sem ég gat hringt í. Sem ég og gerði. Í síman svarði ungur maður og égsagði honum raunasöguna mína. Maðurinn sagðist ætla að senda einhvern til mín.Ég þakkaði fyrir og skellti á. Í góðar 15 mín stóð ég í biðstofunni, meðloftnetið í hendinni , eins og fáviti! eftir því að einhver kæmi.

Á endanum kom eldri maður.Það fyrsta sem hann sagði þegar hann opnaði hurðina var ,,Hvað ertu búinn aðgera!,, það var eins og hann væri eitthvað pirraður og ætlaði að fara að kennamér um  allt þetta vesen. Sá gamlivirti fyrir sér aðstæður. Gramsaði eitthvað inn á gallann sinn og tók fram kort.Hann startaði vélinni aftur og hún lyftist frá bílnum í upphafsstöðu.

Sá gamli sagði ,,hún las bílinnörugglega ekki rétt, prufum aftur,, - and we did……og það sama kom fyrir aftur! Áþessum tíma var ég orðinn frekar pirraður og vildi bara forða bílnum út sem fyrst.Sá gamli bablaði eitthvað í talstöð sem hann var með og mér skildist á þeimgamla að ég ætti að fara að tala við ,,þau,,. Ég eins og hálfviti spurði…hvereru þau? Hann leit á mig (örugglega hugsandi hversu fattlaus ég væri) en sagðiekki neitt!

Ég keyrði bílinn út úrstöðinni, hann var enn blautur…og fór rakleiðis að afgreiðslunni. Þar tók á mótimér starfsmaður með betri viðmóti og ég fékk þvottinn endurgreiddan, ekkert mál.

 

Ég hugsa að ég velji mér aðraþvottastöð næst!

Ég má til með að monta mig!

Var nefnilega að kaupa mér nýjan síma! Nýjasta græjan er GSM sími af gerðinni Samsung Giorgio Armani!

 

 

 

 

 

Líf og fjör! 

Af íslenskum neytendum

Viðhorf/virðing Íslendinga gagnvart fólki í afgreiðslu/þjónustustörfum er að mínu mati sama og engin. Mjög margir gera sér enga grein fyrir því hvað fólk sem vinnur þessi störf þarf stundum að þola mikið skítkast og leiðindi. Fólk er almennt fljótt að verða pirrað og reitt ef eitthvað er ekki eins og það á vera – ætlast til að fá allt upp í hendurnar og það strax.

Það eru til nokkrar týpur af kúnnum.

Fyrst ber að nefna þessa sem er hlédræg, missir kannski af kallinu á númerinu sínu og segir ekki neitt, bíður frekar lengur – réttlætir það fyrir sér að hafa ekki heyrt kallið, þó svo það hafi verið kallað upp tvisvar eða oftar.

Svo er það þessi sem heldu að hann sé yfir alla hafinn og strunsar beint að borðinu og hyggst fá afgreiðslu, verður svo pirraður þegar honum er vísað frá vegna skorts á númeri, bölvar oft í bringuna og fer að miðavélinni. Fnæsir og dæsir þangað til að röðin er komin að honum. Byrjar erindið á að kvarta undan hægri og lélegri þjónustu.

Þar næst er það þessi freki sem heldur að hann fái allt með að vera nógu helvíti þver og frekur. Læt svoleiðis fólk aldrei komast upp með svoleiðis helvítis pex og leiðindi. Þeir kúnnar eru einni með komment um lélega þjónustu. Hafa þá hingað til komist upp með frekjuna.

Annar hópur er hópurinn sem er svo mótækilegur að maður gæti selt því allt sem maður vildi. Eru auðkeypt, sem betur fer er sá hópur ekki stór.Svo er það hópurinn sem þykist vita allt miklu betur en maður sjálfur, þorir svo ekki að viðurkenna fáfræði sína og snýr því upp í eins og maður sé eitthvað fífl, hressandi ekki satt.

Síðasti hópurinn er ansi stór og það er hópurinn sem fer ,,best,, með símana sína. Þeir koma pirraðir inn og heimta nýtt tæki, því tækið sem þau eiga er bilað. Tækið er sent í viðgerð og kemur til baka og dæmt skemmt, vegna höggs eða raka. Viðskiptavinurinn veður æfur og segist að aldrei hafi komist raki í síman og að verkstæðið sé bara að ljúga. ,,Þetta fólk eru bara hálvitar,, hefur maður heyrt. Jæja, hef þetta ekki lengra að sinni um íslenska kúnna.

 

Er einhver sammála mér í þessum efnum?

Ein spurning....

Lendir þú oft í því að fá póst annarra senda heim til þín?.........hvað gerið þið?   Á maður að bregða sér í gervi Póstinns Páls og skila bréfi til réttu manneskjunnar? Eða á maður bara að henda því í ruslið? Kann ekki við að opna annarra manna póst til að athuga hvort það sé eitthvað mikilvægt...

Reykingavenjur ökumanna.

 

Hef mjög oft orðið vitni af því að ökumenn sem eru að reykja í bílnum sínum kasti frá sér stubbinum, sem lang oftast er enn glóð í, beint út um gluggann. Stundum kastast glóðin upp á húddið á bílnum mínum....Af hverju losar fólkið sig bara ekki við stubbinn í þar til gert ílát sem bifreiðin hefur að geyma - ef það er á annað borð að hafa fyrir því að kveikja sér í rettu á ferðinni. Á veturna er kannski ekki mikil eldhætta af þessari aðgerð en á sumrin er mikil eldhætta.

Annað sem ég bágt með að ná er það þegar fólk reykir í bílnum með lokaða gluggana og er jafnvel með börn í bílnum. Sumir reykja með rúðuna opna og láta sig hafa vosbúð á meðan fíkninni er svalað. Er ekki margt af þessu að kvarta yfir því að þurfa að reykja úti þegar það fer að skemmta sér á öldurhúsum bæjarins?

.....

Brimrót við Stokkseyri

 

 

Dittótt brimið öslaði inn fjörukambinn með offorsi. Heimamenn eitt stórt spurningamerki. Hvísl og pukur alls staðar ,,en mikið er brimið fallegt,, heyrðist einhvers staðar. Heimamenn rekur ekki í minni hvenær brimið hafði verið svona mikið síðast. Spekingur bæjarins sagði að nú væri verið að refsa bæjarbúum fyrir drambsemi og yrði það víst að hann færi síðastur í hafið, sagðist ætla að berjast fyrir lífstuskunni sinni.

 

Sólinn sleikir skýin og teygir sig í átt að hafinu, ætli hún sé að reyna að hemja það? Það er ekki gott að segja, hún er svo óútreiknanleg blessuð sólin. Heimamenn bera virðingu fyrir henni og hafinu. Ætli virðingin sé gagnkvæm? Brimis hvæsir á sjóbarða grjótið í garðinum - sem er víst stolt heimamanna og ekkert má koma  fyrir, sjórinn skal ekki voga sér að hrófla við þeim steinum sem þar lúra.

 

Ekkisens áranns veður er þetta!

Óþolandi þetta óveður alltaf hreint! Vegna þess hef ég nú 2 sinnum ekki geta komist til vinnu og einu sinni mætti ég um tvö í stað tíu.

Í dag er veðrið sérstaklega slæmt, helstu leiðir á suðurlandi ófærar og ekki unnt að ýta sökum þess að fólk á illa útbúnm bílum situr fast á vegunum. Ég var að spá í að leggja af stað í morgun en sé sko ekki eftir því að hafa haldið mig innandyra, því á 15 mín. Varð ófært bæði í þrengslum og á heiðinni.

Í gærkvöldi fór ég frá Selfossi rúmlega tíu. Það kom kafli þar sem ég þurfti að hægja á mér í tuttugu! Skyggnið var það slæmt! Hélt meira að segja að ég hefði misst af afleggjaranum að Stokkseyri og mér fannst ég vera endalaust lengi á leiðinni heim.

Í dag mun ég fylgjast með spánni, og sjá til hvort ég leggi af stað í vinnuna. Ætli það verði mikið að gera í þessu ógeðslega veðri?