Krónan rís upp úr öskunni

_________________________

-Þær fréttir voru að berast að krónan styrktist við opnun markaðarins í morgun um 30%. Davíð Oddson seðlabankastjóri sagði í samtali við blaðið að Seðlabankinn hyggist lækka stýrivexti niður í 7% til að byrja með en stefnan tekin á enn meiri lækkun á næstu dögum. Evran fór úr 152.311 niður í 83 kr. og Dollari niður í 69 kr.

-Miklar vonir eru bundnar við sölu hlut ríkisins í Glitni, og er búið að áælt að hluti af hagnaðinum verði nýttur í að efla þjónustu við aldraða. Þó hefur enn ekki verið ákveðið hvenær hluturinn verður seldur.

-Kaupþing tilkynnti einnig í morgun lækkun á vöxtum húsnæðislána um 2,3 % og bjóða nú fyrst í dag upp á 100% lán á vaxta fyrstu 2 árin. 

_________________________

i wish........

 

Einhverntíma er allt fyrst

Nývaknaður og bíð eftir að brauðið skoppist upp úr brauðristinni....bregður örugglega við það...Plön dagsins eru engin...En yfir í mál málanna.... 

 

...Það hlaut að koma að því....Í þessi nær 7 ár sem ég hef verið með bílpróf tókst mér dálítið...að slasa/drepa sjálfan vorboðann! Já gott fólk, ég keyrði á Lóu (ekki Lóu í Hellukóti þó .) Oft hef ég hugsað þegar ég sé hræin á veginum, sem sum hafa lent undir fleiri en einum bíl, hvað ég hafi verið heppinn að keyra ekki á fugl....Ég verð nú að viðurkenna að mér brá svolítið, en þetta hafði greinilega ekki það mikil áhrif á mig...því þegar ég var kominn á Selfoss var ég búinn að gleyma þessu...

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Ég hafði nú ekki fyrir því að stoppa bílinn, því ég sá ekki neitt á veginum, en höggið var nokkuð mikið. Ætli þetta þýði að afgangurinn af sumarfríinu mínu verði ömurlegur?         Vona ekki.....því ég er búinn að panta flug og búinn að kaupa miða á þjóhátíð 

 

 

Ég held....

 

Að það sé eitthvað að rotna í fjörunni ekkert langt frá Hafinu Bláa.......

Alla vega er lyktin ekki góð á kafla......

,,Graðfoli,,

Í dag var ég á landsmótinu á Hellu. Ég var að vinna, Síminn var með bíl og huge tjald. Margt var um manninn. Þegar ég og Kristjana (sem vinnur með mér) skruppum í mat þá gengu til okkar 5 vaskir strákar, ekki eldri en 12 ára. Þeir voru að selja vöru sem ég átti alls ekki von á. Þessir ungu piltar voru að selja smokka. Þeir voru með allar tegundir, meira að segja sjálflýsandi eins og einn sagði. Þetta voru víst hágæða smokkar og fengust á spott prís, eða 300 kall stykkið. Við héldum fyrst að þeir væru að grínast en þeim var fúlasta alvara. Þeir spjölluðu við okkur í langa stund um gæðin komu með tvennutilboð, tveir á 500. 

 

Þar sem þeir voru svo ákafir í að selja, og nokkuð skemmtilegir þá ákváðum við að kaupa af þeim sitthvorn smokkinn, bara vegna þess að þeir hétu ,, Graðfoli,,  Strákarnir sögðust vera með fyrirtæki sem héti Ofurgraður ehf og að þeir væru 5 með þetta og að það gengi rosa vel að selja fulla fólkinu Eyðfaxsa á 500 kall, ( sem var dreift ókeypis um svæðið ) Ég læt fylgja þessari færslu tvær myndir sem tala sínu máli.

 

 Hér má sjá sjálfan Graðfolann .Myndin mætti reyndar vera í miklu betri gæðum, en þetta verður að duga

 

 

 

 

 

 

 

 

 

 

 

 

 Þarna má sjá hinu áköfu sölumenn!

 

 

 

 

 

 

 

 

 

 

 

 

                                                                                                                                                         

 Hérna má sjá hluta af tjaldinu sem við vorum með, en þess má geta að það er 70 fermetra stórt, 4 metra lofthæð og það vegur um 300 kg!

Stöff

 

Og það er brjálað að gera hjá mér í vinnunni.........

Blómlegur póstkassi...

Þegar ég kom frá Selfossi í dag sá ég, þegar ég nálgaðist húsið að eitthvað óvenjulegt var í póstkassanum. Í ljós kom að þetta voru sóleyjar. Þarna voru þær, gular - farnar að lognast út sökum sólarleysis liggjandi ofan á póstinum mínum. Það er nú ekki á hverjum degi sem maður fær blóm í póst...Hérna fyrir neðan er mynd af þessari sendinu 

 

 

You never eat alone..

 

 

 

 

GAAAAAAA!!! 

 

 

 

Ég er að reyna að breyta mér í kvaðratrótina af þremur

 Þetta er nú búinn að vera meiri dagurinn! Vaknaði við símhringingu frá Hvítahúsinu. Bush var eitthvað að vandræðast með málin í Írak og vildi fá annað álit, sagðist ekki treysta mönnunum á ofurlaununum sem ekkert gagn gerðu. Ég sagði honum bara að kalla heim nokkur hundruð hermenn. Fór svo aftur að sofa í sirka klukkutíma.

Síminn hringdi í annað sinn. Á hinum enda línunnar var Amy Winehouse. Hún var skælandi í símanum og sagðist hafa týnd debetkortinu sínu. Eftir smá spjall varð hún himin lifandi því hún fann debetkortið innan á brjóstahaldaranum sínum. Hún þakkaði mér fyrir spjallið og skellti á.

Eftir símtalið við Amy gat ég ómögulega haldið áfram að sofa. Olga, pólska háskípið, kom snemma. Eins og venjulega byrjar hún á því að vaska upp og fara út með ruslið. Hún mundaði ryksuguna af alúð. Í morgun var hún extra snögg að þessu öllu saman. Ég tippsaði hana ríflega.

Klukkan hálf eitt átti ég símafund með Gordon Brown. Hann hafði lítið að segja, kvartaði undan lélega kokkinum sem hann er með. Hann heldur líka að heimilishjálpin sé að stela smokkunum hans og selja á Ebay.Fundurinn varði einungis í 15.mín.

Pósturinn bankaði upp klukkan þrjú. Hann rétti mér fimm bréf, merkt Topp síkrit. Í þeim voru fjögur handrit af kvikmyndum sem mér stendur til boða að leika í og ein auglýsing, Armani að auglýsa nýja símann sinn, á víst að leika á móti Heidi Klum. Fljótt á litið líst mér ekkert á þetta, þó að Stíven spílberg sé að leikstýra einni þeirra. Ég sendi Stíven sms og sagðist ætla að hugsa málið. Auglýsingin bókaði ég fyrir sirka hálftíma.

Ég á von á málverki í dag, sem ég keypti á uppboði í síðustu viku í gengum síma. Uppboðið var í London. Ég átti hæsta boðið í málverkið Ópið. Borgaði litla tvo milljarða fyrir það. Verkið á eftir að sóma sér vel beint fyrir ofan pissuskálina inni á baðherbergi.

Núna má ég ekki vera að þessu bloggeríi því inn var að koma (og þetta er algert leyndarmál!) Angelina jolie og brad pitt. Og viti menn, með allan krakka skarann! vúbbdídú! 

heyri í ykkur síðar! 

 

Jæja, nú hefur þú legið hér í 50 ár, nú er komið að mér!

Það er skömm að segja frá - síðan ég flutti á Stokkseyri hef ég bara einu sinni farið í kirkjugarðinn að leiðinu hjá ömmu og afa! - og það fyrir stuttu! Það er nú ekki eins og það sé langt fyrir mig að skreppa þangað þar sem ég bý næstum því við kirkjugarðinn!

 

Um daginn þá vorum við að ræða um það í vinnunni að það væri sett ný gröf á eldri eftir 50 ár. Í Danmörku væru þeir ekki eins þolinmóðir þar sem tíminn þar er 20 ár. Kannski ekki skrítið þar sem þeir hafa minna landssvæði til umráða. Er rétt að gera þetta? Eiga þeir sem eru fyrir ekki að fá hvíla í friði? þó svo að þeir séu hluti af jörðinni eftir þessi 50 ár.  En ætli ný gröf hafi verið sett yfir aðra hérna á Íslandi?

 

Ég hafði ekki hugmynd um að þetta væri gert.....

 

 

Stokkseyrarfjara

Það er komin einhver dilla í mig....nokkrum sinnum tekið smá göngutúr í okkar fallegu fjöru. Það kom mér á óvart hvað þetta er helvíti hressandi. Maður röltir þarna, með tónhlöðuna sína og andar að sér sjávarloftinu. Leyfi ég mér nú að vitna í Örn Árnason  ,,þetta er BARA þægilegt!,, Ég hef tekið nokkrar myndir, reyndar  bara á farsímann minn (Armani) Langar að setja nokkrar inn.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Læt þetta nægja!