Smáauglýsingar

 

Sjúbbídúa dadadada er nafn á hressum lestrarhring. Við erum þrjár léttgeggjaðar skvísur á besta aldri að leita af fleiri meðlimum. Við erum aðallega að lesa rauðu skrínuna og höfum allar mikinn áhuga á rómans og sorg. Endilega sendu okkur línu á netfangið rokknaromans[hjá]sjubbidua.is

Þarf að losa mig við myndarlega Eik sem er í garðinum mínum. Ég kom henni fyrir í garðinum þegar ég útskrifaðist sem læknir. Vegna mistaka í starfi vinni ég nú ekki lengur sem læknir og vill því losna við þetta djöfuls tré. Ef þig vantar Eik í garðinn og hefur réttu tækin og tólin til að fjarlægja það úr garðinum þá endilega hafðu samband í síma 888-bitur

Spengilegur fýr óskar eftir skyndi kynnum við unga hnátu. Hann er barnlaus og til í flest allt, hann hefur áhuga á indverskum jóga og því sem að viðkemur trú. Hnátan verður að vera vel yfir 170 cm og kraftlega vaxin. Svar sendist á outgoing[hjá]pimp.is

Ég er að skrifa bók um verðlag á Íslandi og vantar aðstoðarmann til að þræða fyrir mig allar verslanir á höfuðborgarsvæðinu. Einnig væri fínt ef sá hin sami gæti farið á Vopnafjörð og kannað fyrir mig verðið þar. Ef þú hefur mikinn eldmóð og villt fá mannsæmandi laun þá endilega hafðu samband í síma 555-verd    Snjólaug.

Ferðafélagi óskast í tónleikaferð til Sikileyjar. Ég luma á auka miða á tónleika með hinum magnaða Frans Frankó Senses. Þetta eru einstakir tónleikar sem enginn má láta fram hjá sér fara. Verðið er sanngjarnt - 210.549. Innifalið í því er gisting á glæsilegu tveggja stjörnu hóteli með hálfu fæði, miði á tónleikana, flugfarið og svo auðvita minn frábæri félagsskapur.  Láttu í þér heyra, ég vil þig með! sendu mér bara sms í númerið 897-fjor       Hróbjartur.

Þarf nauðsynleg að ná tali af þeim sem hringdi í mig í gær klukkan 21:35. Ég missti af símtalinu og á ekki inneign til að hringja til baka. Ef þú sem hringdir sérð þessa auglýsingu þá máttu hringja til baka, ég mun ekki sleppa símanum í allan dag, fékk frí í vinnunni. Númerði mitt er 888-slow.  Gerte.

 

Sauður!

 

Þú ert nú meiri sauðurinn!

BAAAAAAH!

Ég er að reyna að breyta mér í kvaðratrótina af þremur

 Þetta er nú búinn að vera meiri dagurinn! Vaknaði við símhringingu frá Hvítahúsinu. Bush var eitthvað að vandræðast með málin í Írak og vildi fá annað álit, sagðist ekki treysta mönnunum á ofurlaununum sem ekkert gagn gerðu. Ég sagði honum bara að kalla heim nokkur hundruð hermenn. Fór svo aftur að sofa í sirka klukkutíma.

Síminn hringdi í annað sinn. Á hinum enda línunnar var Amy Winehouse. Hún var skælandi í símanum og sagðist hafa týnd debetkortinu sínu. Eftir smá spjall varð hún himin lifandi því hún fann debetkortið innan á brjóstahaldaranum sínum. Hún þakkaði mér fyrir spjallið og skellti á.

Eftir símtalið við Amy gat ég ómögulega haldið áfram að sofa. Olga, pólska háskípið, kom snemma. Eins og venjulega byrjar hún á því að vaska upp og fara út með ruslið. Hún mundaði ryksuguna af alúð. Í morgun var hún extra snögg að þessu öllu saman. Ég tippsaði hana ríflega.

Klukkan hálf eitt átti ég símafund með Gordon Brown. Hann hafði lítið að segja, kvartaði undan lélega kokkinum sem hann er með. Hann heldur líka að heimilishjálpin sé að stela smokkunum hans og selja á Ebay.Fundurinn varði einungis í 15.mín.

Pósturinn bankaði upp klukkan þrjú. Hann rétti mér fimm bréf, merkt Topp síkrit. Í þeim voru fjögur handrit af kvikmyndum sem mér stendur til boða að leika í og ein auglýsing, Armani að auglýsa nýja símann sinn, á víst að leika á móti Heidi Klum. Fljótt á litið líst mér ekkert á þetta, þó að Stíven spílberg sé að leikstýra einni þeirra. Ég sendi Stíven sms og sagðist ætla að hugsa málið. Auglýsingin bókaði ég fyrir sirka hálftíma.

Ég á von á málverki í dag, sem ég keypti á uppboði í síðustu viku í gengum síma. Uppboðið var í London. Ég átti hæsta boðið í málverkið Ópið. Borgaði litla tvo milljarða fyrir það. Verkið á eftir að sóma sér vel beint fyrir ofan pissuskálina inni á baðherbergi.

Núna má ég ekki vera að þessu bloggeríi því inn var að koma (og þetta er algert leyndarmál!) Angelina jolie og brad pitt. Og viti menn, með allan krakka skarann! vúbbdídú! 

heyri í ykkur síðar! 

 

Smáauglýsingar

Sárvantar ferðafélaga í skemmtilega reisu um heiminn. Ég set nokkur skilyrði, þú verður að vera reyklaus, tilbúin/n til að bera mig þegar ég verð mikið drukkin, hlægja af öllum bröndurum mínum, nudda á mér fæturna í lok hvers dags, sjá til þess að mér leiðist aldrei, vera alltaf hrein/n og snyrtileg/ur til fara, kunna að spila á að minnsta kosti á 4 hljóðfæri, hafa góða kunnáttu á þjóðsöng hvers lands sem við munum ferðast til, búa til dýrindis kaffi, sækja mig heim til mín áður en lagt er af stað og skutla mér heim að ferð lokinni.

Endilega sendu mér línu á bossí[e-mail].    Gulla.  

 

Ertu orðin/n þreytt/ur á að klippa þessar táneglur? Er liðleikinn ekki mikill? Væri ekki þægilegt ef að einhver gerði þetta bara fyrir þig?

Tek að mér að klippa á þér táneglurnar fyrir 20 kr. á tá. Hef mikla reynslu af tánaglaklippingum og nam við hinn konunglega danska naglaskóla. Get komið hvert á land sem er, elska að ferðast. Hægt er að senda mér meil á [e-mail] eða hafa samband í síma 868-nogl. Berta.

 

Luma á spilastokk sem notaður var í heimsmeistaramótinu í Brids. Hann er vel notaður og er mér mjög kær, en sökum fjárhagsörðuleika neyðist ég til að láta hann af hendi. Sjálfur Olsen Olsen spilaði með honum á 5.áratugnum. Stokkurinn kólnaði ekki á þessum tíma. Ég er tilbúinn að selja hann fyrir litlar 100.000 krónur, tek líka upp í gamla vespu.   Hægt er að senda fyrirspurn á netfangið mitt [e-mail].     Brjánn.

 

Ég er að leita að hrossljóta manninum sem keyrði í hliðina á bílnum mínum aðfaranótt laugardags. Bíllinn var hjá kópavogslaug þegar þetta kom fyrir. Ég er öryrki og hef ekki efni á að láta gera við bílinn sem er af gerðinni subaru justy 1989. Allar upplýsingar vel þegnar í síma 888-pist.   Tóta.

 

Getur einhver selt mér hræbillegan skeinispappír? Fjölskyldan hefur öll verið með upp og niður síðasta mánuðinn og mikið mæðir því á gustafsberginu og regnskógum jarðarinnar. Get keypt mikið magn i einu, en pappírinn verður að vera fyrsta flokks! Svar óskast sem fyrst í síma 555-shit.

 

Hefur þú áhuga á polka? Ég er nýbyrjaður að æfa polka og er enn ekki kominn með dansfélaga. Ef þú hefur áhuga á að dansa við frábærann mann hikaðu þá ekki við að senda mér smáskilaboð á númerið 868-polka.   Trausti.

ps. ég nota skó númer 50, svitna óheyrilega mikið og hef enga stjórn á búkhljóðum.

 

Listmálari, staðsettur í Sandgerði bráðvantar módel til að sitja fyrir á mynd. Módelið þarf að vera ófeimið og vera tilbúið að leggjast við hliðina á súrum ananas haldandi á kyndli, ekki ósvipuðum olympíukyndlinum. Skít sæmileg laun í boði og ótakmarkað magn af landa er á staðnum sem hægt er að valsa í eftir hentisemi. 

Langaði bara að segja....

 

 

Gleðilegt sumar allir ! 

 

 

Lífið er lotterí, 48.Þáttur

 

Stefán er fastur í bílflaki og sér tvo menn nálgast. Hann ákvað á láta það líta út eins og hann væri látinn. Það virkaði og mennirnir fóru aftur í bíl sinn og spændu af slysstaðnum, grýttu út vindlingsstubbi sem lenti rétt hjá stórum bensínpolli. Til allrar lukku komst ekki neisti í pollinn.

Ragnheiður vaknaði við mikinn hita. Hún hafði sofnað og skaðbrunnið í sterkum geislum sólarinnar. Sárkvalin skrönglaðist hún til að bera á sig aloe vera. Henni til mikillar mæðu var þetta guðsgel búið og neyddist hún því til að maka á sig hreinni jógúrt - sem sló á mesta verkinn. Ragnheiður fór að lengja eftir manni sínum og ákvað að hringja í hann.

Síminn hringdi en Stefán náði ekki að teygja sig í hann strax. ,,Þú verður að bjarga mér!,,  sagði Stefán. Ragnheiður panikkaði og spurði hvar hann væri staddur. Hún hringdi á sjúkrabíl og dreif sig af stað. Sem betur fer var umferðin ekki þung. Sjúkrabíllinn var kominn á staðinn og sjúkraflutningamennirnir farnir að hlúa að honum. Ragnheiður vildi fá að tala við Stefán en fékk ekki. Hún elti sjúkrabílinn.

Eftir klukkutíma bið fékk hún loks að hitta Stefán. Læknarnir höfðu tjaslað honum saman. Ragnheiði brá þegar hún sá mann sinn í þessu ástandi - ,,nú gengur þetta ekki lengur,, sagði hún, við förum núna í frí, langt frí. Helst mundi ég aldrei vilja koma aftur til baka! Stefán tók vel í þessa hugmynd og bað Ragnheiði um að setja villuna á söluskrá. ,,Ekki minnast á þetta við nokkurn mann,, sagði Stefán áður en hann lognaðist út af þreytu.

Ragnheiður tók eftir tveimur mönnum í frakka sem eltu hana út af sjúkrahúsinu. Hún lét eins og hún hefði ekki orðið vör við þá og leyfði þeim að elta sig í smástund. Ragnheiður náði að hrista þá af sér þegar þeir þurftu að stoppa á rauðu ljósi.

Hverjir eru að veita henni eftirför? Á Stefán eftir að lenda í klandri á spítalanum?

 

Jæja, nú hefur þú legið hér í 50 ár, nú er komið að mér!

Það er skömm að segja frá - síðan ég flutti á Stokkseyri hef ég bara einu sinni farið í kirkjugarðinn að leiðinu hjá ömmu og afa! - og það fyrir stuttu! Það er nú ekki eins og það sé langt fyrir mig að skreppa þangað þar sem ég bý næstum því við kirkjugarðinn!

 

Um daginn þá vorum við að ræða um það í vinnunni að það væri sett ný gröf á eldri eftir 50 ár. Í Danmörku væru þeir ekki eins þolinmóðir þar sem tíminn þar er 20 ár. Kannski ekki skrítið þar sem þeir hafa minna landssvæði til umráða. Er rétt að gera þetta? Eiga þeir sem eru fyrir ekki að fá hvíla í friði? þó svo að þeir séu hluti af jörðinni eftir þessi 50 ár.  En ætli ný gröf hafi verið sett yfir aðra hérna á Íslandi?

 

Ég hafði ekki hugmynd um að þetta væri gert.....

 

 

Stokkseyrarfjara

Það er komin einhver dilla í mig....nokkrum sinnum tekið smá göngutúr í okkar fallegu fjöru. Það kom mér á óvart hvað þetta er helvíti hressandi. Maður röltir þarna, með tónhlöðuna sína og andar að sér sjávarloftinu. Leyfi ég mér nú að vitna í Örn Árnason  ,,þetta er BARA þægilegt!,, Ég hef tekið nokkrar myndir, reyndar  bara á farsímann minn (Armani) Langar að setja nokkrar inn.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Læt þetta nægja! 

óþægilegt

Oft hef ég heyrt sögur af því þegar fólk vaknar og það getur ekki hreyft sig, eins og einhver haldi því niðri. Síðustu nótt lenti ég í svipuðu. Ég var búinn að liggja lengi í rúminu og var lengi að sofna. Loksins þegar ég var að festa svefn fann ég fyrir þrýstingi rétt fyrir neðan hálsinn sem færði sig upp. Ég opnaði augun og sá útlínur af manneskju bograndi yfir mér með hendur um hálsinn.

Ég auðvita glaðvaknaði og reisti mig upp, reyndi það með ,,venjulegu,, afli en það gekk illa þannig að ég reyndi aftur og með meiri krafti. Það virkaði og ég var laus úr klóm verunnar. Sofnaði fljótlega eftir þetta en svaf ekkert allt of vel.

 

Lenti í svipuðu þegar ég bjó á Selfossi. Ég var að fara að sofa og búinn að snú mér skrílljón sinnum til að finna ,,réttu,, stellinguna. Í eitt skiptið þegar ég er að snúa mér opna ég augun og sé veru/eitthvað.. sem er á hnjánum og lítandi niður á gólfið. Þetta fyrirbæri var með sítt svart hár. Ég hélt mig væri að dreyma og ég lokaði augunum í smá stund og opnaði aftur. En viti menn, veran var enn þarna. Þá dró ég bara sængina lengra upp og snéri mér í hina áttina og sofnaði.

 

Hefur þetta komið fyrir þig? 

Hörku djamm!

 

Þessir hafa bara verið á góðu djammi

Fastur í skotti bifreiðar við Miklubraut