Ekki komist hjá því að skafa í dag....

Vaknaði snemma í dag, fékk mér kaffi og horfði á glóðvolgan Top Gear þátt, ætla nú bráðlega að henda skrauti á jólatréið mitt....tók eftir því þegar ég dró frá að.....það hefur snjóað talsvert verð ég að segja. Fer í bæinn að vinna um 1 á eftir, vona að ég komist  Tók mynd af bílnum, ekki hjá því komist að skafa í dag..

 

  

 

 

,,Sú sem gat,,

 

Finnst það frábært þegar fólk sem komið er á áttræðisaldur tekur til og heimsækir fjarskiptafyrirtækið sem það er í viðskiptum hjá og sækir um ADSL tengingu. Að koma ein og vita hvað hún vill og er að tala um finnst mér vera alger snilld. Sú gamla var orðin þreytt á hinum hægvirka innhringiaðgangi - skiljanlega.

Ég sé ekki ömmu mína gera þetta, að slá inn pin númerið og slysast til að hringja rétt er hennar limmitt - gott samt að hún bjargi sér með ,,litla símann,, eins og  hún kallar hann.

,,ein gömul cyberchick,,

Roysopp

 

What else is there

 

 

 

áðan, þá lagði ég mér til munns....

Grænt kittkatt! og ef trúir mér ekki að þá er ég með mynd af því hér 

 

 

 

 

 

 

 

 

 

 

 

 

 

 

 

 

 

Eyrún sendi mér ýmislegt góðgæti frá Tokyo 

 

Möffinns söngurinn

 

 

Lögregludagbók

Dagbók lögreglunar 12.11.2008

 Karlamaður tilkynnti um að nágranni sinn væri að stela póstinum sínum og opna hann, sagði að klámblöðin væru einungis fyrir sig sjálfan og engan annan. Hann bætti svo því við að hann væri til í að deila með honum áskriftinni. Vakthafandi lögreglumaður sagði hughreystandi orð og lagði á.

Tilkynning barst lögreglu á fimmta tímanum að kjörbúð hefði verið rænd í nágreni við stöðina. Ræninginn hafði komist á brott með eitthvað af fjármunum. Afgreiðslumaðurinn skelkaður. Þjófurinn hefur greinilega ekki kunnað að lesa því hann hljóp beint inn á lögreglustöðin, haldandi að hann væri að fara í bankann. Ræninginn var gómaður og hann sendur beint í fangaklefa.

Sjúklegur hávaði bars frá bílskúr í bænum og kvartaði eldri kona sáran vegna þessa ástands, sagðist ekki geta einbeitt sér að handavinnunni. Krafðist þess að bíll yrði sendur á staðinn til að stilla til friðar. Talið það víst að um djöfladýrkendasamkomu væri að ræða - fyrr yrði hún ekki í ró.

Frægur einstaklingur sást kasta af sér þvagi í miðbænum. Ekki þótti vegfarenda hann sína gott fordæmi og kærði málið til lögreglu þar sem um þingmann var að ræða.

Furutrjáafélagið óskaði eftir styrk frá lögreglunni til kaupa á nýju furutré sem setja átti niður í grennd við Perluna. Beiðni synjað samstundis og félaginu bent á að leita annað.

Fílsungi festist í mastri á símstöð bæjarins og bað útibússtjórinn að hann yrði fjarlægður tafarlaust þar sem þetta hefði áhrif á símsamband sveitarinnar. Hann kvaðst sjálfur hafa reynt að losa fuglinn en dottið og rifið buxurnar sínar - bætti því við að hann ætlaði að rukka stöðina um nýjar brækur.

Kvenfélagið Vaska valkyrjan tilkynnti að stolið hefði verið úr sjóð félagsins og krafðist rannsóknar á málinu. Forstýran var stutt í spuna, hljómaði eins og teketill. Bíll númer 2 var sendur á staðinn.

Fleira taldist ekki til tíðinda þann daginn.

 

Myndir af mér þegar ég var lítill :o)

Valli gróf þessar myndir upp hjá pabba sínum og sendi mér  

 

 

Hvar ertu?

 

Á leiði minni í vinnu í morgun þá fór ég að hugsa - já ég geri það nú stundum..... Ég man ekki hvenar ég mætti lögreglu eða hreinlega sá löreglu við löggæslustörf í langan tíma...Hvar er lögreglan? Er svona mikill niðurskurður hjá þeim? Er ég sá eini sem hefur tekið eftir þessu?

Lúmskimon!

 

 

,,Það vantar meira sjérrí hérna!!,,

Allt iðandi af lífi

græðgin auðsjáanleg á fólki

veit varla hvað það á að kaupa

grípur það sem hendi er næst

pólverji með pólskan bjór

belgi með belgískan bjór

 

léttvín fljúga úr hillum

húsmæður í sósuvínum

-liggja

þrá það fína en tíma ekki

-kreppa?

 

koníaks fleygar í hillunum sitja

safna ryki og eldast - vel

aldurinn fer þeim vel

einstaka ryk á sumum

verða sennilega ekki keyptir

 

raðir hlykkjast um gólfið

greiðslukort fá að finna fyrir því

er þeim er rennt harkalega í lesarann

afgreiðslumaðurinn þreyttur á törninni

en bugast ekki

athugar skilríki hjá bólugröfnum unglingi

 

barist um síðustu dropana

sem væta munu kverkar

og lyfta mönnum á kreik

 

bílastæðið kjaftfullt af bílum

erfitt að fá stæði

bið...