Lögregludagbók

 Lögregluembættið í Mjóafirði

25.10.07

Vindasamt mjög allan daginn. Snjólfur var vakthafandi lögreglumaður.

Hrólfur Káti frá Skúfslæk tilkynnti klukkan 05:30 að þakplötur hefðu losnað af hænsnakofanum og átti í stökustu vandræðum með að róa fiðurfénaðinn sem búinn var að fá nóg af vosbúð. Snjólfur mætti á staðinn og aðstoðaði þreyttan bóndann. Hænum heilsast vel og var ekki meint af téðri vosbúð.

Vakthafandi lögreglumaður stytti sér stundir með lestri á bókinni ,,þú hefur fullan rétt til að vera reiður,,

Klukkan 16:00 dró heldur betur til tíðinda því gamall skólafélagi kíkti inn í kaffi og fékk kandís og kruðerí með, í boði deildarinnar.

Á 18. tímanum hringdi síminn. Þar sem vakthafandi lögreglumaður var að riðja úr inni á salerni stöðvarinnar missti hann af símtalinu. Ekki er vitað hver hringdi því númerabirtir stöðvarinn er í lamasessi. Verður því fljótlega kippt í liðinn.

Rólegt var fram að næstu vaktaskiptum.

Athugasemdir

[Ingó (IP-tala skráð) 25.10.2007 kl. 11:39]

Rúmlega Frábært meira sona

[Vignir, 25.10.2007 kl. 11:54]

[Guðfinnur Þorvaldsson, 25.10.2007 kl. 12:34]

Skemmtilegar færslur, fékk mig til að langa í kandís

[Vignir, 25.10.2007 kl. 12:47]

Láttu það bara eftir þér

[Guðríður Pétursdóttir, 25.10.2007 kl. 15:48]

já einmitt, kandísspandís