Upphengingar

Sá í Kastljósinu í kvöld umfjöllun um svokallaðar upphengingar. Fyrir þá sem ekki vita hvað það er það þegar krókum er krækt í bak á einstaklingi og honum svo lyft upp í loft. Þar er hann látinn hanga í einhvern tíma, á skinninu.
Það var maður í Kastljósinu sem var í viðtali og var að lýsa því hvernig þetta færi fram og hvað hann fengi út úr þessu. Persónulega fynnst mér þetta jaðra við geðveiki að láta gera þetta við sig, rétt eins og að láta krossfesta sig.
Hann lýsti því að hann færi í einhverskonar vímu, þar sem efni í líkamanum fara á fullt.
Í loftinu segist hann fara út úr líkama sínum. Þegar hann er svo látinn síga niður finnst honum eins og hann sé í betra sambandi við allt og nefni náttúruna sérstaklega. Undirbúningur fyrir þetta hefst með tveggja daga föstu þar sem hann drekkur bara vatn og borðar eitthvað af ávöxtum, það að svelta á að hjálpa efnum líkamans að fara um líkaman og auka þannig áhrif upphengingarinnar.
Með viðtalinu fylgdi myndband sem að sýnir hvernig þetta fór fram. Hann var ekki sá eini sem að var hífður upp.
Veit ekki með þig en mér finnst þetta ekki vera eitthvað sem að maður á að gera og ef að maður vill gera þetta finnst mér að maður eigi bara að hafa þetta fyrir sjálfan sig og vera ekki að sýna þetta alþjóð..........Það er mín skoðun. Ég verð þó að virða hanns skoðun þó svo að ég sé engan veginn sammála henni....

Athugasemdir

[Rúna Guðfinnsdóttir, 21.5.2007 kl. 21:24]

Þeir voru nú afar sérkennilegir sem voru upphengdir í þættinum, ég verð nú að segja það. Það er víst hægt með gríðarlegri einbeitingu að beina huganum frá sársaukanum, mér fannst þó sá seinni er upphengdur var, finna meira til en hinn. Sá fyrri brá ekki svip. Kaldur kall. Ef ég verð upphengd, þá verður það upp á gamla mátann, reipi um háls og...bang..búið

[Vignir, 21.5.2007 kl. 21:33]

Já, ég á samt bágt með að trúa því að maður nái alfarið að blokka sársaukan sem þessu fylgir eða þá að breyta honum í eitthvað stórkostlegt. Hann sagðist reyndar fynna fyrir sársauka en það hyrfi svo þegar upp væri komið......Samt.......næ þessu bara ekki.....

[Guðríður Pétursdóttir, 21.5.2007 kl. 21:42]

aldrei heyrt um masókista... ? En ég er sammála, mér finnst svo sem óþarfi að gera sjónvarpsefni úr þessu, en það er samt ekki bara hann, heldur líka the tv people, það eru nú þeir sem sýna þetta...