Smáauglýsingar


Sárvantar ferðafélaga í skemmtilega reisu um heiminn. Ég set nokkur skilyrði, þú verður að vera reyklaus, tilbúin/n til að bera mig þegar ég verð mikið drukkin, hlægja af öllum bröndurum mínum, nudda á mér fæturna í lok hvers dags, sjá til þess að mér leiðist aldrei, vera alltaf hrein/n og snyrtileg/ur til fara, kunna að spila á að minnsta kosti á 4 hljóðfæri, hafa góða kunnáttu á þjóðsöng hvers lands sem við munum ferðast til, búa til dýrindis kaffi, sækja mig heim til mín áður en lagt er af stað og skutla mér heim að ferð lokinni.
Endilega sendu mér línu á bossíbidds@heimsreisa.is.    Gulla.  
 
Ertu orðin/n þreytt/ur á að klippa þessar táneglur? Er liðleikinn ekki mikill? Væri ekki þægilegt ef að einhver gerði þetta bara fyrir þig?
Tek að mér að klippa á þér táneglurnar fyrir 20 kr. á tá. Hef mikla reynslu af tánaglaklippingum og nam við hinn konunglega danska naglaskóla. Get komið hvert á land sem er, elska að ferðast. Hægt er að senda mér meil á ta@fila.is eða hafa samband í síma 868-nogl. Berta.
 
Luma á spilastokk sem notaður var í heimsmeistaramótinu í Brids. Hann er vel notaður og er mér mjög kær, en sökum fjárhagsörðuleika neyðist ég til að láta hann af hendi. Sjálfur Olsen Olsen spilaði með honum á 5.áratugnum. Stokkurinn kólnaði ekki á þessum tíma. Ég er tilbúinn að selja hann fyrir litlar 100.000 krónur, tek líka upp í gamla vespu.   Hægt er að senda fyrirspurn á netfangið mitt love_the_game@cards.is.     Brjánn.
 
Ég er að leita að hrossljóta manninum sem keyrði í hliðina á bílnum mínum aðfaranótt laugardags. Bíllinn var hjá kópavogslaug þegar þetta kom fyrir. Ég er öryrki og hef ekki efni á að láta gera við bílinn sem er af gerðinni subaru justy 1989. Allar upplýsingar vel þegnar í síma 888-pist.   Tóta.
 
Getur einhver selt mér hræbillegan skeinispappír? Fjölskyldan hefur öll verið með upp og niður síðasta mánuðinn og mikið mæðir því á gustafsberginu og regnskógum jarðarinnar. Get keypt mikið magn i einu, en pappírinn verður að vera fyrsta flokks! Svar óskast sem fyrst í síma 555-shit.
 
Hefur þú áhuga á polka? Ég er nýbyrjaður að æfa polka og er enn ekki kominn með dansfélaga. Ef þú hefur áhuga á að dansa við frábærann mann hikaðu þá ekki við að senda mér smáskilaboð á númerið 868-polka.   Trausti.
ps. ég nota skó númer 50, svitna óheyrilega mikið og hef enga stjórn á búkhljóðum.
 
Listmálari, staðsettur í Sandgerði bráðvantar módel til að sitja fyrir á mynd. Módelið þarf að vera ófeimið og vera tilbúið að leggjast við hliðina á súrum ananas haldandi á kyndli, ekki ósvipuðum olympíukyndlinum. Skít sæmileg laun í boði og ótakmarkað magn af landa er á staðnum sem hægt er að valsa í eftir hentisemi. 

« Síðasta færsla | Næsta færsla »

Athugasemdir

1 identicon

haha veistu nokkuð númerið hjá þessum málara?

hugrún (IP-tala skráð) 7.5.2008 kl. 20:11

2 identicon

HAHAHAHAHAHAHAHAHAHAHAHAHAHA!!!!!!!!!!! djöfull er þetta fárálega fyndið.. ég sko SPRAKK úr hlátri!!!!!!!! æææ þvílík snilld!!!!!!

Ösp (IP-tala skráð) 8.5.2008 kl. 13:07

3 identicon

hahahahahahahahahahahahahahahahahahahahahahahahahahahaha!!!! Þú ert SNILLINGUR!!!!

annalinda (IP-tala skráð) 8.5.2008 kl. 15:52

4 Smámynd: Guðríður Pétursdóttir

ég veit um hrossljóta manninn.. hérna er hann

Guðríður Pétursdóttir, 8.5.2008 kl. 16:36

5 Smámynd: Vignir

Hugún - já, það er 856-gaur

Ösp og Anna - Takk Takk ;o)

Guðríður - já, mig grunaði það, helvískur, hann var eitthvað að sníglast þarna hjá bílnum þegar ég var að fara í sund! Ég finn hann í fjöru!

Vignir, 8.5.2008 kl. 18:00

6 Smámynd: Brynja Hjaltadóttir

Hehehe...þvílíkt hugmyndaflug

Brynja Hjaltadóttir, 8.5.2008 kl. 23:35

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband