Smáauglýsing

Er með til sölu algeran gullmola! ég hef ekki hugmynd um hvaða tegund þetta er en hann hefur reynst mér afskaplega vel hingað til og ekki stigið feilpúst!.....eða þangað til fyrir skemmstu. Það er leiðinda brakhljóð í öllum hurðum og svo gossaði upp fúkkalykt úr skottinu. Dótið til að taka regndropana af rúðunni er að morkna í sundur, þarf sennilega að skipta um það. Útvarpið er í hálfgerðum lamasessi - spilar bara einhverja kanadíska rás, en sennilega er þetta bara stillingarvesen hjá mér. 

Þess má geta að bíllinn sjást í 3 sekúnudur í myndinni 79 af stöðinni. Sjálfur var ég ekki við stýrið heldur mágkona mín. Ef mig minnir rétt þá lánaði ég henni bílinn til að snattast í áfengis og tóbaksverslun ríkisins. Tindavodki er minn vodki og hann drekk ég alltaf á sunnudags eftirmiðdegi.

En aftur að bílnum. Ég hef dittað að honum að einhverju leiti- en bara með límbandi af sterkustu sort. Ég hef stundum trassað olíuskipti en það hefur aldrei liðið meira en 80.000 km á milli smurninga. Fróður maður sagði mér eitt sinn að þessir bílar hefðu verið hannaðir fyrir herinn og notaðir í njósnir. Ég get ómögulega kraflað mig frammúr því að setja inn mynd af þessum gullmola, hafði það af með herkjum að hripa þessu fátæklegu auglýsingu á veraldarvefinn.

Ef þú hefur áhuga þá getur þú nálgast mig bréfleiðis eða hitt mig í eigin persónu. Heimilisfang mitt er ,,eitthvað út í bláinn,, ,,2.hæð til vinstri,, bréfalúga merkt ,,molinn,,. óskir þú eftir að hitta mig þá er best að hitta mig í mjóddinni.

 

bestu kveðjur Snjólfur. 

Smáauglýsingar

Lítið notaður tannbursti til sölu. Þetta er nú enginn venjulegur tannbursti skal ég ykkur segja. Enginn annar en Bob Dylan notaði hann þegar hann dvaldist á Íslandi hér um árið. Hér má sjá mynd að djásninu.

Ég lagði mikið á mig til að fanga þennan dýrgrip og mun því ekki láta hann undir 10.000 kr. Ef þú hefur áhuga þá endilega hafðu samband með rafskeyti -   crazydylanfan(hjá)hotmail.com 

 

 

Auglýsi eftir leikurum í stuttmynd sem fer í töku eftir mánuð. Ég er að leita að mjög sterkum aðila sem er ófeiminn við að sleppa sér og láta eins og fífl. Viðkomandi má ekki vera hræddur við nekt, húsdýr, mjólkurafurðir, dansandi apa, stóra farsíma og liðuga asíska konu. Rétti aðilinn mun fá greitt í blíðu og 200 evrum. Hafir þú áhuga skaltu senda inn umsókn á netfangið vafasamamyndin(hjá)vafi.com

 

250 kg. einstaklingur óskar eftir heimilishjálp. Viðkomandi þarf að vera hraustur. Létt heimilisstörf og viðhald á heimili. Ekki skemmir fyrir er þú ert fyndinn og hafir mikinn áhuga á kotru. Aðeins áhugasamir sendir svar merkt  ,,Bangsalingur,,

 

Bóndi í Mývatnssveit óskar eftir að kaupa nuddborð, má vera notað. Lumir þú á slíku borði skaltu senda sms í númerið 888-nudd

 

 

Smáauglýsingar

05.03.2010

Tveggja vetra meri til sölu (er ekki að tala um húsfrúna) Slettuskjótt og með eindæmum barngóð. Íhuga skipti á skellinöðru. Svar sendist á haltahrossid(hjá)hestur.is

Er á leiðinni í sniglaræktunarbransann og vantar viðskiptafélaga í lið með mér. Ég er búinn að kynna mér þetta mjög vel og tel að það sé markaður fyrir þetta á Íslandi. Ætla að einbeita mér að Risa Afríku sniglinum til að byrja með, þeir eru heppilegir til átu jafnt sem gæludýr. Endilega hafðu samband ef þú hefur áhuga í síma 55-snail

Óska eftir einkaþjálfara til að vera með mér í ræktinni. Ég geri strangar kröfur til þín, mátt ekki reykja, ekki tala í farsíma á meðan æfingu stendur, ALLS ekki vera með jórturleður í trantinum, ekki hlusta á neina tónlist með ljótum textum, ekki stunda kynlíf kvöldinu áður, snyrtileg/ur til fara, verður að elska AHA og kunna að minnsta kosti 1 lag utanbókar, ekki fá þér í glas kvöldið fyrir æfingu, og ekki koma seint!  - Endilega vertu í bandi í síma solla(hjá)blaumkosti.is

Hef til sölu lítið ryðgaða Zetor 5711 dráttavél með einungis 25 vinnustundir að baki. Sannkallaður eðal gripur sem vert að líta á. Nýji eigandinn þarf að virða hreiðrið sem er á toppinum, Starri er búinn að koma sér vel fyrir og liggur á nokkrum eggjum. Ef þú hefur áhuga á hörku vinnugræju sendu mér þá línu. Svar merkist ,,sveita piltins draumur,,

 

Smáauglýsingar

 

Saumaklúbbur í breiðholtinu óskar eftir nafni á klúbbinn. Vegleg verðlaun eru í boði en þau er heitur brauðréttur að hætti Hugrúnar. Við viljum ekki klisjunöfn eins og : saumspretturnar,  fingurbjargirnar, prjónasystur, lopagellurnar eða Tvinnakeflin.  Tillögur sendist á netfangið   [e-mail]  

 

Nennir einhver að kenna mér að búa til páskaegg? Hjálparkokkurinn verður að útvega eftirfarandi; súkkulaði og nammi. - á engan pening.....get ekki borgað fyrir hjálpina. Svör sendist á netfangið: [e-mail]  kveðja Petrína.

 

Er að leita að afar sérstökum áfelgum. Sá þær á bíl fyrir vestan síðasta sumar. Þær eru 5 arma með stórum teningi í miðjunni. Ef þú lumar á þessum dýrgrip þá máttu endilega senda mér sms í númerið 88-vírdó.

 

Kökugerðameistari óskar eftir að ráða nema. Kröfur eru eftirfarandi;  má ekki éta deig, snyrtimennska í fyrirrúmi, stundvísi, hatur á Davíð Oddssyni,  óstjórnlega ást á súkkulaði og fima stöðuga fingur.

umsókn sendist á  [e-mail]

 

 

 

 

Smáauglýsingar

Tek að mér viðgerðir ásodastream tækjum frá áttunda áratugnum. Lofa góðri þjónustu og ef ég ekki getlagað tækið þá mun ég skaffa þér nýtt  - því auðvita elska ég þig…   Endilega hafðu samband í síma 777-soda.  Tjörvi

 

Keyrðir þú á fugl? Dó hann?Langar þig til að eiga hann á hillunni heima hjá þér? Bjallaðu þá í mig í síma456- gimp.    Palli.

 

Keypti óvart þrjá púða í staðtveggja í RL vöruhúsi. Ég hef það ekki í mér að skila púðanum, því skömmin ersvo mikil. Þar sem ég er nísk þá tímdi ég ekki að setja mynd af honum en hanner reffilegur. Hann er þinn ef þú kemur og sækir. Nánari uppls. Í síma111-pudi     Herta.

 

Ert þú iðjuleysingi semsárvantar að komast í gott uppgrip á riðguðum dalli gerðum út frá Raufarhöfn?Um er að ræða stöðu annars vélstjóra. Mannsæmandi laun í boði. Allarupplýsingar veitir Bolli, Bolli skipper í síma 889-jobb

 

Ef þú veist hvað varð afgarðálfinum mínum, sem býr við Merkilandi 10 Selfossi þá vinsamlegast komduhonum aftur á sinn stað án tafa. Ein pirruð.

 

Þarf að losa mig við átta áragamla læðu. Hún er blíð og góð en étur allt sem hún kemst í. Sjálf er ég mikilhandavinnukona og treysti mér ekki lengur að fela allt föndurdótið mitt.Hún heitir  Ungfrú  Hunangsbjalla Sívertsen, hún svarar kalli. Sjálf heiti ég Ugla og svara í síman 56-tistis.

 

 

Smáauglýsingar

 

Sjúbbídúa dadadada er nafn á hressum lestrarhring. Við erum þrjár léttgeggjaðar skvísur á besta aldri að leita af fleiri meðlimum. Við erum aðallega að lesa rauðu skrínuna og höfum allar mikinn áhuga á rómans og sorg. Endilega sendu okkur línu á netfangið rokknaromans[hjá]sjubbidua.is

Þarf að losa mig við myndarlega Eik sem er í garðinum mínum. Ég kom henni fyrir í garðinum þegar ég útskrifaðist sem læknir. Vegna mistaka í starfi vinni ég nú ekki lengur sem læknir og vill því losna við þetta djöfuls tré. Ef þig vantar Eik í garðinn og hefur réttu tækin og tólin til að fjarlægja það úr garðinum þá endilega hafðu samband í síma 888-bitur

Spengilegur fýr óskar eftir skyndi kynnum við unga hnátu. Hann er barnlaus og til í flest allt, hann hefur áhuga á indverskum jóga og því sem að viðkemur trú. Hnátan verður að vera vel yfir 170 cm og kraftlega vaxin. Svar sendist á outgoing[hjá]pimp.is

Ég er að skrifa bók um verðlag á Íslandi og vantar aðstoðarmann til að þræða fyrir mig allar verslanir á höfuðborgarsvæðinu. Einnig væri fínt ef sá hin sami gæti farið á Vopnafjörð og kannað fyrir mig verðið þar. Ef þú hefur mikinn eldmóð og villt fá mannsæmandi laun þá endilega hafðu samband í síma 555-verd    Snjólaug.

Ferðafélagi óskast í tónleikaferð til Sikileyjar. Ég luma á auka miða á tónleika með hinum magnaða Frans Frankó Senses. Þetta eru einstakir tónleikar sem enginn má láta fram hjá sér fara. Verðið er sanngjarnt - 210.549. Innifalið í því er gisting á glæsilegu tveggja stjörnu hóteli með hálfu fæði, miði á tónleikana, flugfarið og svo auðvita minn frábæri félagsskapur.  Láttu í þér heyra, ég vil þig með! sendu mér bara sms í númerið 897-fjor       Hróbjartur.

Þarf nauðsynleg að ná tali af þeim sem hringdi í mig í gær klukkan 21:35. Ég missti af símtalinu og á ekki inneign til að hringja til baka. Ef þú sem hringdir sérð þessa auglýsingu þá máttu hringja til baka, ég mun ekki sleppa símanum í allan dag, fékk frí í vinnunni. Númerði mitt er 888-slow.  Gerte.

 

Smáauglýsingar

Sárvantar ferðafélaga í skemmtilega reisu um heiminn. Ég set nokkur skilyrði, þú verður að vera reyklaus, tilbúin/n til að bera mig þegar ég verð mikið drukkin, hlægja af öllum bröndurum mínum, nudda á mér fæturna í lok hvers dags, sjá til þess að mér leiðist aldrei, vera alltaf hrein/n og snyrtileg/ur til fara, kunna að spila á að minnsta kosti á 4 hljóðfæri, hafa góða kunnáttu á þjóðsöng hvers lands sem við munum ferðast til, búa til dýrindis kaffi, sækja mig heim til mín áður en lagt er af stað og skutla mér heim að ferð lokinni.

Endilega sendu mér línu á bossí[e-mail].    Gulla.  

 

Ertu orðin/n þreytt/ur á að klippa þessar táneglur? Er liðleikinn ekki mikill? Væri ekki þægilegt ef að einhver gerði þetta bara fyrir þig?

Tek að mér að klippa á þér táneglurnar fyrir 20 kr. á tá. Hef mikla reynslu af tánaglaklippingum og nam við hinn konunglega danska naglaskóla. Get komið hvert á land sem er, elska að ferðast. Hægt er að senda mér meil á [e-mail] eða hafa samband í síma 868-nogl. Berta.

 

Luma á spilastokk sem notaður var í heimsmeistaramótinu í Brids. Hann er vel notaður og er mér mjög kær, en sökum fjárhagsörðuleika neyðist ég til að láta hann af hendi. Sjálfur Olsen Olsen spilaði með honum á 5.áratugnum. Stokkurinn kólnaði ekki á þessum tíma. Ég er tilbúinn að selja hann fyrir litlar 100.000 krónur, tek líka upp í gamla vespu.   Hægt er að senda fyrirspurn á netfangið mitt [e-mail].     Brjánn.

 

Ég er að leita að hrossljóta manninum sem keyrði í hliðina á bílnum mínum aðfaranótt laugardags. Bíllinn var hjá kópavogslaug þegar þetta kom fyrir. Ég er öryrki og hef ekki efni á að láta gera við bílinn sem er af gerðinni subaru justy 1989. Allar upplýsingar vel þegnar í síma 888-pist.   Tóta.

 

Getur einhver selt mér hræbillegan skeinispappír? Fjölskyldan hefur öll verið með upp og niður síðasta mánuðinn og mikið mæðir því á gustafsberginu og regnskógum jarðarinnar. Get keypt mikið magn i einu, en pappírinn verður að vera fyrsta flokks! Svar óskast sem fyrst í síma 555-shit.

 

Hefur þú áhuga á polka? Ég er nýbyrjaður að æfa polka og er enn ekki kominn með dansfélaga. Ef þú hefur áhuga á að dansa við frábærann mann hikaðu þá ekki við að senda mér smáskilaboð á númerið 868-polka.   Trausti.

ps. ég nota skó númer 50, svitna óheyrilega mikið og hef enga stjórn á búkhljóðum.

 

Listmálari, staðsettur í Sandgerði bráðvantar módel til að sitja fyrir á mynd. Módelið þarf að vera ófeimið og vera tilbúið að leggjast við hliðina á súrum ananas haldandi á kyndli, ekki ósvipuðum olympíukyndlinum. Skít sæmileg laun í boði og ótakmarkað magn af landa er á staðnum sem hægt er að valsa í eftir hentisemi. 

Smáauglýsingar

 

Á mínum yngri árum var ég mikið partýljón. Ég fór á alla þá tónleika sem haldnir voru. Sérstaklega man ég eftir þegar ég fór á tónleika með Simply red. Ég fékk það tækifæri að láta til mynd af mér og söngvaranum. Ég var í annarlegu ástandi og get ekki fundið þessa mynd! Ef að einhver veit hvar þessi mynd er niðurkomin þá má sá hin sami hafa samband. Ein desperet nývöknuð úr kóma. Svar sendist á despo(hjá)despo.desp

Ég á hamstra-par....ekkert merkilegt með það svosem...en þetta er bara svo helvíti gratt þetta lið. Hef enga stjórn á þessu og húsið fullt af litlum loðnum og krúttaralegum hömstrum. Endilega hafðu samband ef þig vantar hamstur, þú manst, þeir eru hryllilega miklar dúllur.    Svar sendist merkt hamstrafrú í neyð.

Um daginn..þá keypti ég mér í Ikea par. Salt og pipar par. Voðalega vingjarnlegt par. Þetta er sumsé hani og hæna. Ég er ansi hræddur um að ég hafi hent hænunni en er ekki viss. Ef þú hefur fundið einmanna hana þætti mér vænt um að þú mundir senda mér hann í pósti.

 

Smáauglýsingar

 

Umsjónarmann vantar til að hugsa um ríkan sérvitring sem er farinn að tapa heilsunni. Þarf þjónustu við allar daglegar athafnir. Á mánudögum þarf að snyrta vel táneglur, þriðjudagur er helgaður hárhirðu, miðvikudagur nudd dagur, fimmtudagur er föndurdagur. Hinir dagarnir eru ,,venjulegir,, Hægt er að hringja í síma 444-4444 fyrir nánari upplýsingar.

Sérhæfi mig í panel lagningu. Hef verið í bransanum í fjölda ára og þekki hann út og inn. Helstu verkefni mín má sjá á vefnum mínum www.panelmaster.is, þar er einnig hægt að senda fyrirspurn. Pétur Panel. 

Ætla að hella mér út í kaffihúsa bransann og vantar vana manneskju með mér í verkið. Reynsla af rekstri æskileg. Hef sjálf mikinn áhuga á öllu sem tengist kaffi. Svar sendist merkt.   en kop kaffe takk.

Ef einhver hefur heima hjá sér fyrsta eintakið af fyrstu vínylplötu Hauks Morthens þá má sá hin sami hafa samband þ.e.a.s ef þú tímir og selja mér téðan grip. Er reiðubúinn að punga út 20.000 krónum fyrir djásnið. Hægt að ná í mig í síma 222-2222.  Bjartmar. 

Get ómögulega komist til botns í skáldsögunni Sjálfstætt fólk. Er búinn að lesa þessa bók 3 sinnum spjaldanna á milli. HVER ER ÞESS BJARTUR Í SUMARHÚSUM!   Ein desperet með meilið laxnessþuhefureydilagtlifmitt(hjá)simnet.is 

Bráðvantar vanann mann til að þrífa efri skápana í eldhúsinu mínu. Maðurinn þarf að vera yfir 180 cm. Kraftlega vaxinn með svera upphandleggi. Hann verður að vera vel máli farinn og kunna mannasiði. Ekki skemmir ef hann talar fjögur tungumál og sé barngóður. Má alls ekki eiga börn með annarri konu. *Aðeins* áhugasamir hafi samband svar merkt ,,Mr.Cleen,,

 

Smáauglýsingar 2

Félega eldriborgara auglýsir eftir kynlífsráðgjafa til að halda nokkur námskeið til að lífga upp á rómans og ástarlíf fyrir eldra fólk sem er að tapa neistanum.Dvalarheimilið Efri gröf í kjóasýslu.

Ef einhver, bara einhver, lumar á áramótaskaupinu frá árinu 89´væri meira en til í að kaupa/ fá að kópí það. Hægt er að senda mér rafpóst á bjugnakraekir(hjá)simnet.isPáll

Getur einhver hjálpa mér að læra á síman minn. Ég keypti mér svo flókinn GSM síma að ég bara get ekki með nokkru móti lært á hann og þarf hjálp. Ég á ekki mikið af pening er ég greiði fyrir kennslu stund einn kleinupoka af úrvals kleinum sem ég hef sjálf bakað.Ágústa Hekk – sími 444-1111Lifið í lukku en ekki krukku!

Hef til sölu lítið notað fótanuddtæki. Ringo bítill notaði þetta tæki einu sinni þegar hann kom í heimsókn á litla bæinn okkar. Tækið hefur ekki verið notað síðan þá. Hef ekki kveikt á því í langan tíma en býst fastlega við að það virki. Þetta er einstakur safngripur fyrir alla bítlaáhugamenn – og bítlaáhugakonur.Vil einungis sms sendingar í númerið 2346789 – Tilboð óskast. Beinteinn.

Bjó til svo mikið af laufabrauði og smákökum fyrir jólin og sé ekki fram á að nokkuð af því verði étið og auglýsi það hér með til sölu. Fæst á slikk, jafnvel gefins ef komið er og sótt, hver veit nema að ég verði með heitt á könnunni. Létt spjall um daginn og veginn alltaf vel þegið.Erla – 511-1234

Ég þarf svo mikið að losa mig við kolbrjálaðan blendind, Labrador og sjéffer blanda. Ég hef bara engan hemil á þessu kvikyndi. Ef enginn vill taka hann að sér ….þá….þá neyðist ég til að láta svæfa hann.Ómar / 888-0000

Keypti spilastokk í Rúmfatalagernum. Ekkert merkilegt með nema að það vantar eitt spilið í stokkin, hjarta tíuna. Ég er búinn að leita út um allt heima hjá mér en ekki fjandans spilið. Ef einhver hefur rekist á stakt spil í Rúmfatalagernum á Smáratorgi má sá hafa samband í síma 888-1023Friðfinnur